「2014香港小姐競選」賽果塵埃落定，但三甲人選惹來外間爭議，連擔任多年司儀的曾志偉亦當場「O嘴」，但冠軍邵珮詩和亞軍王卓淇齊聲否認賽果爆冷，季軍何艷娟更信心爆棚指入三甲乃意料之內。　

邵珮詩自認展現心口胎記夠堅強，因而得票。

邵珮詩

王卓淇（左起）、邵珮詩及何艷娟舉杯慶祝。

王卓淇否認爆冷奪亞軍。

黃宗澤及阿佘對賽果均不感驚訝。

佘詩曼

今屆的香港小姐在爭議聲中選出，榮獲「最上鏡小姐」和「友誼小姐」的冠軍(15)邵珮詩，賽後難掩興奮之情：「難以置信！（爆冷？）唔係，我都有信心入三甲，但冇諗過冠軍。（但三甲同觀眾想法唔同！）評判有佢哋口味同睇法，相信佢哋係啱嘅。（你吸引到十幾萬票！）我心口上嘅胎記係第一次公開，好堅強克服困難，可能因為咁吸引觀眾支持。」對於台上被公開身份證，她說：「我同意畀大會用，唔緊要。」

何艷娟：我贏內涵

亞軍(9)王卓淇亦否認爆冷，自稱一直有信心，又自言做事光明正大，不怕再被起底，提到志偉見她入選即時「O嘴」，她說：「我狀態大勇，各花入各眼。」而季軍(7)何艷娟同樣不認同爆冷奪獎：「入到三甲係意料之內，我表現淡定、Outstanding（突出），贏內涵！（曾志偉覺得三甲好意外喎！）我唔覺。（被指人工鼻？）網民睇相啫！」提到未公布頭三強時，投票程式已有三甲名字在內之嫌，她認為投票是公開的，一人一票實至名歸。

至於賽前大熱的(11)吳凱欣大熱倒灶，她承認表現失準，有指她因在問答環節失準兼發台瘟，缺乏應變能力而落選，但據知余詠珊及樂易玲已為她安排不少工作。而同是大熱倒灶的(3)黃碧蓮表示沒有失望，又指希望入娛圈，有消息指她因廣東話欠佳、詞不達意而落選。

黃宗澤唔啱心水

當晚的評判黃宗澤表示三甲未必全是心水：「計分係拉Curve，五位評判投票下有呢個結果，覺得各花入各眼。（爆冷？）結果係咁就係咁，唔覺驚訝，大家有唔同嘅眼光。」另一評判佘詩曼原來一直看好邵珮詩和吳凱欣，又指二人分數很接近。司儀陳百祥亦不覺爆冷，因為他看好邵珮詩和王卓淇，問到季軍何艷娟有何優秀之處﹖他說：「我就睇唔到喇！」而即場「O嘴」的曾志偉對賽果感驚訝：「的確唔係我心水。」志偉昨日出席活動時坦言現時港姐競選新人事新作風，但一年一度的大騷毋須多改，有代表性的節目轉太多會令觀眾不適應。

余詠珊被問到有否覺得觀眾只能在三名佳麗中選擇範圍太窄，她說：「冇法，有正統機制。結果都令人滿意，呢10個女仔都可以簽約。」談到佳麗穿真皮革上陣惹爭議，她稱沒想太多：「唔會樣樣嘢考慮得咁詳細，大會亦唔會干涉設計師空間。」另前晚的港姐決賽最高收視達29點。