早前拍英皇電影《破風》受傷的陳家樂,昨日出席跑步開幕禮時表示左肩傷口已愈合不少,但對踩單車仍有陰影,他感激上周拍攝時獲導演林超賢體諒:「拍我同車手嘅撞膊戲,因為仲未做到,所以搵替身拍。」他又指早前拍群組踩單車戲時,前後車手均炒車及爆胎,令他愈踩愈驚:「好在我集中力好咗,之前受傷就因為太熱血,見到鏡頭太興奮,冇留意安全。」同場的張慧儀笑言平日唯一運動是湊仔返學,又否認與羅霖不和,但承認並非深交。

陳家樂