謝霆鋒與高圓圓於新片連場激情演出，圓圓無懼老公趙又廷呷醋，霆鋒則笑言寧願拍打戲，又透露其飲食節目正籌拍第二季。

踢拖、戴黑超的霆鋒，與高圓圓現身商場為新片造勢。

壽星霆鋒與友人飯局，並拿着疑似生日禮物離開。

霆鋒（左後）看着小童玩遊戲，笑不攏嘴。

霆鋒與圓圓昨日出席商場活動落力宣傳英皇電影《一生一世》，吸引不少粉絲到場支持。霆鋒繼續「踢拖」現身，而一身深色打扮的圓圓則「透Bra」兼晒腿。席間播放《一》片預告，片中霆鋒與圓圓充滿激情，霆鋒說：「我諗我都係拍動作片啱啲。（諗住又等十年先再拍愛情片？）唔知，希望有劇本再打動到我，依家煮住飯先啦！」他透露因頻下廚關係，體重已飆升至143磅，而由他主理的電視節目《十二道鋒味》大受歡迎，將籌拍第二季：「會換個方式，可能會涉及開短期餐廳。想嘉賓嚟到覺得好玩，有得着，想佢哋『加分』多過我『加分』，好似祖兒咁，佢嗰集啱啱播完，即刻成為網站搜尋榜首位。」

高圓圓難忘談情戲

同場的圓圓難忘片中有關大學時期與霆鋒談戀愛的浪漫場面，但指現實中不太追求這些，又笑言與老公趙又廷的性格同樣不浪漫，問到會否不讓老公看她與霆鋒的激情戲，她說：「不會，大家也是演員。」

另外，剛過34歲生日的霆鋒，前晚現身中環與朋友晚膳，至凌晨2時許，戴住十字架耳環的他拿着一袋疑似禮物，與男友人從食肆步出。問他是否慶祝生日？他說：「普通同朋友食飯。」再問何時幫小朋友搵新媽咪？他只笑不語，便與友人搭的士離開。