佘詩曼在無綫新劇《使徒行者》中盡顯蠱惑個性，她與林峯拍攝一場賭錢剝衫戲時不時爆肚搞笑，阿峯則以「啜核」對白窒阿佘！為求從阿峯手上贏錢的阿佘最後輸剩小背心，笑言出動航「胸」母艦的她更一度以雙手掩胸，而阿峯則失望地寸她貨不對辦，曖昧又搞笑！

林峯到O嘴咁抵死，阿佘即刻交叉手掩胸！

沈震軒左擁右抱只是表面風流，實則硬晒軚。

而演臥底的沈震軒為完成任務化身「中環狼人」，在前女友陳敏之面前左擁右抱，他說：「場戲交代到晒角色嘅使命感，喺最愛嘅人面前，都要傷害佢完成任務。」軒仔拍攝時右手剛完成手術，監製文偉鴻笑指他被三點式女郎包圍時硬晒，軒仔澄清：「係隻右手硬晒！掟女仔落水嗰度用替身，因為右手用唔到力。」而三哥苗僑偉無意中發現江美儀慘遭家暴，於是隱藏身份默默伸出援手，並發展出感情。