小肥拖實穿高踭鞋的吳雨霏上台，認真細心。
首度在港舉行個人演唱會的小肥，前晚順利在伊館完成演出。向來人緣極佳的他，獲大批歌手朋友撐場，包括洪卓立及女友湯怡、鍾舒漫、江若琳、同門組合As One及老闆黃柏高。而演出嘉賓則有吳雨霏、藍奕邦、側田及C AllStar。
為紀念亡友陳僖儀，小肥在個唱中段特地演繹了對方的《忘川》，他在台上說：「我今日收到佢嘅花籃，見到後覺得好窩心，相信係佢嘅歌迷送畀我！」
完騷後，小肥坦言對演出大致滿意，而媽媽及其他家人亦特地從澳門來港支持他：「之前一路擔心狀態唔好，好彩成晚都冇咩失手，我畀自己九十分！」
