昨日十位入圍港姐身穿泳裝進行總綵排，上圍最「胸」湧的(15)邵珮詩繼續搶「峰」頭，但亦有幾位佳麗突圍而出！曾任車模的(5)梁詩其狀態大勇，谷出湯碗胸兼大騷3吋事業線，問到如何備戰決賽？她自信地說：「會早啲瞓同敷面膜。（你做開Model，擺甫士有着數？）都唔係，入嚟都學咗好多嘢，擺甫士可以發揮創意。（有信心入三甲？）有，但其實入到決賽心情反而輕鬆咗，已經當贏咗。」

側面睇，蔡曉瑩突見「胸」猛。

「胸」有成竹的梁詩其（圖）與林洛鍶大晒驕人上圍。

林洛鍶

至於瘦削的「索腿傅穎」(12)蔡曉瑩四肢纖幼，但昨日上圍突然豐滿，養眼度大增！而半冷門的(6)林洛鍶亦擠出事業線殺出重圍，加上身形高挑，頗有睇頭！