藝人林峯昨日與佘詩曼及苗僑偉等到將軍澳宣傳劇集《使徒行者》，率先換上秋冬新裝的林峯自爆：「個劇間中飛紙仔加親熱戲，我遲咗報案，要講聲Sorry！（女友吳千語管咁嚴？）要嘅，佢拍都有同我講，互相尊重。我哋啱啱去完東京旅行，置咗新裝。」

林峯與阿佘落力宣傳劇集《使徒行者》。

苗僑偉和韓馬利玩夾波時十分肉緊！

沈震軒和陳敏之未知是否因見到林峯穿秋冬裝而忍俊不禁？

林峯指網友熱烈討論劇中他被林偉毆打後，彈飛數米的鏡頭：「戲劇效果需要，娛樂大家啫！拍嗰時係我自己起跳。（網友Cap圖話你下身有長物？）係條褲布料同角度問題。」又稱未落實簽約新公司，有消息一定公布。

阿佘得悉林峯「報案」時說：「啲親熱戲唔係好激咋喎！偏向搞笑多啲。（林峯被打彈飛數米？）咁偉哥（林偉）真係好好打嘅！」苗僑偉則說：「劇情下周講江美儀係家暴受害者，我去幫佢。（點睇趙頌茹被老公周永恒家暴？）唔認識佢哋，但家暴唔應該，留意下周劇情，會喚醒婦女同男士遇家暴要點處理，暴力解決唔到問題，應該有商有量。」