歌手張智霖（Chilam）前晚於吉隆坡展開巡迴演唱會首站演出，因當地對藝人演出有限制規定，他無緣當眾一展朱古力胸肌。當Chilam邀請女歌迷上台「伴唱」時，竟有坐於「山腰」的粉絲舉手，起初Chilam搞笑說：「如果我揀你，十聲落唔落到嚟吖？」想不到該歌迷隨即跨越面前圍欄，「一展輕功」上台現身Chilam面前！事後他受訪時說：「真係牙煙！睇到都驚，涉及到人身安全，如果有乜事，我都要負責喎！」

被禁晒肌的Chilam，穿透視裝露點益粉絲。（美聯社圖片）

化身Captain Cool的Chilam，獲女粉絲跨欄衝上台攬實合照。

羅仲謙大晒麒麟臂趕到現場擔任嘉賓。

而羅仲謙行色匆匆趕到當地擔任嘉賓，玩遊戲時更孭起女粉絲疾跑，他在台上說：「我28號剛過生日，係一年嘅新開始。我有朋友30號生日，大家一齊送祝福畀佢吖！」謙仔所講的「朋友」，其實是女友楊怡！