張致恒（Steven）是周永恒與趙頌茹兩個女兒的契爺，身在上海的Steven昨日說：「我冇話幫邊個，佢兩公婆嘅事，要佢哋自己解決，我覺得阿Yu係慘，點都唔應該郁手，我唔了解狀況。」他很擔心兩個契女，對於周永恒疑「偷食」，他說：「我唔知，佢同人搞模特兒公司，有Model喺身邊唔奇，其實能夠做到夫妻係好難得，希望佢哋和好，暫時佢哋分開住。」

張致恒（左）指周永恒經營模特兒公司，身邊有Model亦不出奇。

裕美認為趙頌茹是好老婆。

裕美爆拍拖照溝女

鍾舒漫得知周永恒涉嫌打老婆被捕後感到難過，她說：「都擔心，只可以為佢哋禱告，唔知事實係點，唔應該妄下判斷或評論，佢哋承受好大壓力，對小朋友都有影響。」她又指個人的事不應怪罪教會或信仰。而歌手裕美則感到震驚，她說：「知道佢哋拍拖好耐先結婚，以為佢哋根基打得好好，但我深信人有軟弱時候。」對於周永恒疑有「小三」，裕美說：「我唔知，以前佢好老實同我講過，同阿Yu拍拖時都有溝女，阿Yu都知，所以我覺得阿Yu係好老婆，佢做咁多錯嘢都原諒同佢一齊，希望阿Yu冇事。」而高皓正則否認阿Yu暫居他家中，亦不回應事件。