日前在峇里舉行婚禮的鍾鎮濤（阿B）與范姜前晚回港，阿B甫現身機場即說：「落機收到好多朋友祝福！」太太范姜亦笑言在當地日日感動到喊。阿B又否認婚禮豪擲千萬元並要賓客自費食宿的報道：「冇可能百分百人都咁好，依家99.9%嘅人恭喜我哋，酸嘅嘢就唔好提！」他對於梁朝偉及劉嘉玲未能出席感可惜，而日前在微博向太太道歉的他指此舉只想一次過講清楚，又會將禮金全數捐給ALS：「禮物就自己收，因為好有紀念性！」

與太太范姜恩愛回港的阿B當眾錫錫對方。