與經理人公司合約期將滿的謝芷蕙（Cammi），決定結束五年的「o靚模生涯」，宣布無限期退出寫真戰，拒絕再拋胸賣肉益宅男，將導彈身材留給富二代男友獨享！

Cammi由現在開始拒絕Sell性感，把身材「私有化」！

Cammi出了三年寫真，發覺「暴露」不對Style！

Cammi搞時裝之餘又想學整甜品和揸車，暫時無暇簽新公司。

擁有32C魔鬼身材的o靚模謝芷蕙出道將近五年，最為人熟悉的是艷照及整容等花邊新聞，但Cammi與經理人公司的合約將在年底屆滿，她決定向「o靚模生涯」正式Say Goodbye：「呢間公司注重嘅係出寫真，咁我都影咗三年，已經冇咗當年嗰種熱情，近幾年寫真以暴露為主，依家尺度我真係接受唔到，我個人比較保守，連全套嘅比堅尼都未着過！我覺得寫真都係唔啱我，完約後算係無限期退出寫真戰。」

Cammi突然收山，或多或少與另一半有關，自從與內地從事時裝生意的男友拍拖後，她凡事都以對方行先：「佢係一個圈外人，始終覺得娛樂圈有啲複雜，佢唔鼓勵、唔支持我喺呢行，但係唔反感。（佢睇過你以前啲寫真？）我有問佢要唔要睇，佢話：『你成個人都棟喺我面前，有個人喺度，睇相都冇意思！』」

無限期封胸學整餅

年底離開公司後，Cammi計劃專心打理網上時裝生意，暫不會簽新公司：「新公司暫時唔考慮，覺得接Freelance都幾好，機會多啲，對自己發展都會好啲，同埋我想趁有時間去學整甜品，因為依家連好簡單嘅蛋糕都整唔好，同埋想考車牌，上年想考都冇時間，希望21歲前考到。」