每集《娛樂onShow》嘉賓猛料如雲,今次主持人廖嘉輝(Look)邀得樂壇唱作人林奕匡(Phil)與組合小塵埃,分享音樂創作心得。小塵埃透露找來插畫家門小雷為新碟《Be Little》設計插畫,兩人在畫中甚能代表自己。而談及Phil的新歌《Goodman》時,他竟自爆不是Goodman:「一個Goodman就係要心哋好,仲要係一個上進嘅男仔,可以照顧身邊朋友同家人,但有一樣我係未做到,就係未有一個成功嘅事業。」雖然事業未成,但查實Phil周身刀,懂得多種樂器又多才多藝,他說:「細個已經成日聽歌,鍾意聽唔同嘅聲,最初讀書學牧童笛,十歲學單簧管,之後學色士風、鼓、鋼琴同結他。」想知道他們更多音樂路上分享?記得繼續留意《娛樂onShow》!

《娛樂onShow》主持廖嘉輝(左起)訪問林奕匡與組合小塵埃,分享音樂創作路。

林奕匡與小塵埃同Sing同氣,還即場Jam番首歌!