時下性感女模剝得就剝,容易令人誤會內裏同樣Open,女星仙樂都近日接受《東網》ontv訪問時便澄清自己並非一個隨便女仔,又埋怨追求者大多是「呃蝦條」之輩!

仙樂都公開擇偶條件,最緊要冇不良嗜好。

仙樂都向ontv澄清因工作而性感,但不代表私生活開放!

仙樂都指現為事業衝刺期,暫時無意「從良」。

性感女星「仙樂都」吳堯堯形象火辣,曾推出多本寫真集,挑戰新一代性感女神寶座。不過女神背後都有煩惱,她近日接受《東網》ontv訪問時表示,雖經常引來狂蜂浪蝶,但全部不懷好意,只想「食快餐」:「好多個開頭都表現正常,但好快就唔對路,例如飲醉酒打電話嚟騷擾我,見過兩次就當我女友,借啲意抽吓水,又講啲露骨說話!」她希望借《東網》ontv澄清性感不等於開放:「可能佢哋睇過我啲寫真,以為我啲相性感就等於開放,其實我唔係!我一啲都唔隨便!」

擇偶拒不良分子

既然是性感惹的禍,究竟仙樂都有否想過改行密實路線「從良」,搵個正經男士拍拖?她說:「有諗過!都驚對方家人會介意,但暫時想趁有工作就努力做好佢。(擇偶條件?)冇不良嗜好、唔Hea、唔沉迷飲酒或者打機就冇問題!」