藝人張曦雯（Kelly）早前拍攝護膚品廣告，首次成為代言人的她說：「之前都係以Model形式出現喺廣告。（袋咗幾多？）唔知呀！我經理人幫我搞，佢一定Make Sure係Best Price，我都好放心畀佢搞，我當咗佢係我媽媽。」問到廣告中有芭蕾舞演出的她是否識跳舞，她說：「跳到12、13歲咋，好彩保持到個柔軟度，可以扮吓嘢，扮到啲舞步。」最近拍攝鐘錶廣告的她又表示，10月會首度拍攝新劇：「恨咗好耐！仲會同陳豪、蔡少芬合作，希望從佢哋身上學到嘢。」

張曦雯在護膚品廣告中大晒白滑肌膚。

曾學芭蕾舞的張曦雯在廣告中騷Quali。