日模松岡李那（Linah）早前拍攝「樋屋萬壽葉野草酵素」廣告，大玩瑜伽、和服及斯文白裙Look，更大晒Fit爆纖腰、香肩及事業線，Linah坦言平日最愛練瑜伽收身，又指獲緋聞男友林德信高手教路，問到對方有否讚她叻，她笑說：「梗係有啦！我好叻，佢仲讚我好柔軟。（讚你身材正？）可能啦！我唔知呀。（讚你靚？）通常佢啲評語都好正面。」

松岡李那自爆平日最愛練瑜伽，還獲緋聞男友稱讚身體柔軟。

身穿白色長裙拍廣告的松岡李那，十分明艷照人！

相比體重，更在意肌膚質素的她直言四年前來港時，因未適應天氣轉變而滿面暗瘡，幸勤飲健康飲品回復白滑靚肌，她憶述：「嗰時都幾唔開心又冇自信，我直頭唔想出街見人，連啲廣告客戶見到都嚇親，仲問我塊面發生咩事。」