孖女組合AOA近日在彩虹出席夏日活動，以露腰超短裙晒長腿的二人於現場又唱又跳，更不慎露出打底褲！二人自爆為表演自行編舞，細Ann（吳燕菁）笑稱會逼姐姐大Ann（吳燕珊）充當鏡子練舞：「我哋會當對方係鏡嚟練舞，我會做觀眾睇佢跳，好似照鏡咁！」

AOA在台上跳唱炒熱氣氛。

孖妹AOA經常結伴出席活動。

問到會否在炎炎夏日暢泳及享受日光浴，大Ann自爆曾被「躁底」教練掟落水：「我哋好驚水，學游水時試過畀教練掟我哋落水，不過入行後驚曬黑，所以好少游！」她們又直言想盡快推出單曲：「好想快啲同粉絲見面，不過仲未決定曲風！（慢歌定快歌？）應該係快歌！呢排會積極練琴同練舞！」