「翻版趙薇」岑日珈（Angie）今年正式加入樂壇，由於新歌要配合大量舞蹈，缺乏跳舞底子的她在練習時經常受傷，更試過「見紅」：「試過最傷一次係個膝頭損晒、流晒血，因為其中一個動作要仆落地下，就算有用護膝都會流血，但損晒都要繼續跳。」

岑日珈為新歌密密練舞，卻因此受傷「見紅」。

她又表示新歌《小動作》講述女主角因不忿被拋棄，而主動引誘其他男仔，問到現實中可會女追男？她說：「我連講嘢都好怕醜，我係完全唔敢，加上我個樣唔講嘢比較惡，男仔都會驚咗我，覺得我好難溝通，但識落就覺得好傻。」Angie自言性格單純，問到性感極限？她笑說：「露腰、露腳好啦！好多女仔比我身材好，都唔輪到我露啦！」