身兼多職的名模Cara G.,2011年與拍檔Melanie開設健康果汁生意,開業僅3年便賺大錢,最近更無懼貴租將新店移師中環名店林立的IFC,二人坦言租金不是問題:「呢幾年生意唔錯,租唔係問題,我哋睇中呢度交通方便,好多寫字樓客都喺樓上返工,一落嚟就可以買果汁飲。」碰巧另一名模Amanda S.的餅店開正隔籬,Cara笑言一定會互相支持。

Cara(左)與拍檔Melanie開設果汁生意,合作無間。

向來與媽咪感情要好的Cara,不時母女檔落舖頭做生招牌。

而初為人母兼重投Model工作的Cara表示,尚在學習如何分配時間:「其實係幾辛苦,BB仲細、舖頭只係開咗幾星期、啱啱開始做番Model工作,係需要啲時間習慣,但我好鍾意忙嘅感覺,享受每一個挑戰。」凡事親力親為的Cara,連返到屋企亦只忙公事,令老公「詐型」:「我老公叫我返到屋企唔好再理公事,甚至會嗌我熄電話,但佢都百分百支持我嘅!」