唐詩詠及洪永城（Tony）在無綫新劇《載得有情人》中分別飾演超齡o靚模及怕醜宅男，詩詠大爆劇中會與永城火辣濕吻：「我比較慢熱，要Tony教我點調情，好緊張同尷尬！」Tony則大呻拍攝期間被「孤立」：「我份人好健談，但今次要飾演患人群恐懼症嘅宅男，其他人唔想我開工心情過分Wild，所以成日唔同我講嘢，又叫我面壁冷靜！」

劇中演宅男的Tony與超齡模詩詠十分登對！

談到劇中有何難忘場面？詩詠最冧Tony在沙灘彈結他獻唱的一幕，但Tony自嘲唱歌難聽。問到有何浪漫經歷？詩詠笑稱最愛下廚男：「我初戀男友試過送訂婚戒指同玫瑰畀我，但當時年紀小而拒絕。（後悔？）冇，不過期待下個浪漫男出現！（浪漫有咩定義？）如果將來有啱嘅男士為我下廚，我即刻嫁佢！」而Tony自認不夠浪漫，又稱想搵短髮女友。