鄧欣寧開放談性最緊要唔濫

外號巴喇莎的模特兒鄧欣寧（Stephanie）主持經驗豐富，口才不俗的她更不介意公開談性，早前又拍攝以女英雄為題材的寫真，形象性感，可謂「新一代性女」！她笑言經常被誤會性觀念隨便：「我有一對鳳眼，有人讚性感，亦有人鬧妖冶，試過有人話肯畀錢我做啲不道德交易，又有人借機博懵，我好憎畀人摸腰，如果覺得被非禮，我會好似耍太極咁，推開佢兼閃開！（怕唔怕畀人標籤係開放？）我覺得性開放唔等於性濫交，我夠膽大方討論，但唔代表要經常換對象，我嘅愛情觀係要好專一！」