劉嘉玲、梁家輝及謝君豪昨日為英皇娛樂主辦的舞台劇《杜老誌》綵排,此劇繼7月演出10場後,好評如潮,9月將重演16場,2015年1月再加開15場,令總演出場數增至41場,以滿足劇迷。嘉玲等三人昨日演出劇中精彩歌舞及三人同場的對手戲,家輝及君豪有忘記台詞的情況,嘉玲即幫手提點。她指老公梁朝偉看過《杜老誌》後舞台劇癮大發:「上次公演佢睇完,讚我做得好好,佢對舞台劇嘅興趣被挑起咗,有少少心動!(加個角色同佢一齊演?)我唔想同佢做呀!留番佢哋三個男人做個新故事啦!」

梁家輝(左起)、劉嘉玲和謝君豪,昨日齊齊綵排舞台劇《杜老誌》。

家輝解釋忘記台詞原因:「好少同啲觀眾(指記者)咁近距離。(加場阻咗接戲?)有呀,做舞台劇酬勞唔多,係貼錢做,但有另一種滿足,希望有朝一日舞台劇嘅酬勞同電影一樣!」嘉玲聞言說:「冇可能啦!唔通賣5千蚊一張飛呀?」君豪則說:「就算犧牲咁多,仍然咁鍾意,呢個就係舞台劇魅力所在!」