歌手洪卓立（Ken）最新EP《自言》一改陽光男孩形象，以沉溺在悲觀世界為題，將其悲觀世界展露人前，他說：「其實我一直都係呢個性格，當佢哋好開心講啲嘢畀我知，我成日都成盆冷水淋落去，同事都叫我『冷水王』！」打扮密實的他與4名健碩男半裸拍攝唱片封套，問到會否半裸演出，他說：「吓？我呢啲唔好出嚟獻醜喇！其實今日係特登慰勞啲女同事，見到佢哋睇得咁開心，我都好高興！」當男Model脫掉上衣埋位時，影棚即傳來陣陣歡呼聲，Ken亦忍不住跟Model搭訕，又睇又摸的他澄清：「呢啲係欣賞兼羨慕，絕無心邪。」

Ken敢於將真性情展露人前，但對於半裸演出卻耍手擰頭。