昨午約三時本報獨家場內直擊，訪問阿B及眾賓客的感人時刻！作為證婚人之一的譚詠麟（阿倫），大談婚禮中最感動一刻：「戴戒指、誓言時真係好感動！」對於新人落淚場面，他說：「嘉賓先落淚過佢哋，成班朋友都知佢哋唔容易，有情人終成眷屬，好戥佢開心！」而一身白馬王子Look、戴上婚戒的阿B率領星級兄弟班包括阿倫、曾志偉、梁家輝、陳友、張家輝，張學友、杜德偉、沈嘉偉及老婆邱淑貞等接受本報獨家訪問，眾人全白色打扮，個個靚仔有型！

（後排左起）邱淑貞、沈嘉偉、陳友、杜德偉、梁家輝、譚詠麟、鍾鎮濤、吳廷燁、陳國熹
（前排左起）彭健新、曾志偉、葉智強、張家輝、張學友

鍾鎮濤（右二）

《東網》直擊阿倫及阿Ｂ在婚禮上的情況。

眾兄弟即場獻唱賀阿B「做老襯」，阿B開心又感動：「好開心見到咁多人喺度，我哋影咗好靚嘅相，會同大家分享，好多謝大家咁遠都嚟參加我婚禮！」阿倫提點：「仲要多謝全球各地嘅歌迷。」而志偉聞言笑說：「但以前鍾意過你（阿B）嗰啲女就唔好嚟！」阿B即說：「係呀！唔使嚟搵我，搵志偉啦！佢一向逆來順受！」他又抱歉未能邀請所有親友。問到有何感動太太的招數，阿B說：「唔講得！等陣先做。」又幸福表示不需要女兒的特別賀禮。

至於大會發放婚禮片段中，志偉取笑阿倫說：「最難得主禮證婚人係阿倫，佢講嘅都錯晒。」學友笑言因阿倫講普通話，阿倫亦隨即笑言要打字幕。志偉續說：「未試過新郎新娘行入嚟，啲人已經喊晒。」婚禮上各好友輪流祝福新人，阿B更加爆喊。而拍照時送上心形手勢的張家輝，自爆其祝福精警又簡單：「祝B哥哥、B姐姐愛到地球盡頭毀滅時！」