藍奕邦恨生B隨時閃婚

正所謂「人生有幾多個十年？」今年踏入首個音樂十年之路的歌手藍奕邦，日前接受《東網》的《娛樂onShow》主持廖嘉輝（Look）邀請，暢談入行的轉變，他透露現時心態大不同，對音樂亦有不同的感受：「以前我係出於一個抱負同埋使命感，係一個好憤怒同好多嘢想講嘅文藝青年。但依家大家點睇我、點接收我，我冇所謂。我係由衷去做一件事，就係不急不躁，又或者係不慍不火，如果大家諗嘢唔一樣，我唔會逼大家。」

天生孤僻

身兼歌手、音樂人及創作人的他，坦言最愛創作：「我係天生比較自閉，唔鍾意見人，但作為歌手我覺得係好事，因為佢可以逼我，唔好咁孤僻，逼我去學識點樣去同人相處。」

新歌《愛我就吻我》講述藍奕邦過去一年被挑逗及主動挑逗的經驗，而他直認在感情比較愚蠢：「人哋對我有意思，我都唔係好清楚，我會諗多咗，同埋唔係好冷靜。我寧願人哋直接講鍾意我，好過同我去玩暗示。」而藍奕邦更自爆有意成家立室，更不排除有閃婚的可能：「經過幾年屋企人離開，發覺有伴侶真係好重要，當你病同唔如意嘅時候，有人喺身邊真係好緊要，我都好期望自己有小朋友。」想知道藍奕邦幻想的家庭生活，以及音樂上有更多的諗法？Click入ontv去片啦！