前華姐朱璇早前趁大假，與懷孕的陳爽及其丈夫，暢遊法國、巴塞隆拿等地，除盛裝打扮參觀城堡外，又遊覽畢加索故居、酒莊及凱旋門等，更由朝到晚大歎靚酒佳餚，她笑說：「我哋9點幾一醒就飲香檳、食Ham，一路行到邊食到邊，不停飲紅酒、食小菜，搞到我肥咗成個圈，自己都唔敢磅重。不過阿爽大肚，去到酒莊只可以喺側邊睇我哋飲。」談到重返母校，她坦言或會隨時「閃退」去讀書：「隨時有機會o架！好恨返去讀戲劇，見到啲師弟妹排戲，令我好懷念。」問到有否艷遇？她坦言獲數名法國男搭訕，讚她靚及主動「抄牌」：「其實日日都有人搭訕，呢個係佢哋嘅文化，法國男仔好鍾意搭訕，無論行街、食飯都同你傾偈，但法國冇靚仔，通常藝術型都係阿伯，我鍾意後生仔，唔要不修邊幅。」

朱璇（右）與陳爽旅遊時大歎靚酒佳餚。