無綫藝員沈震軒（Sammy）經常為工作轉Look，曾試過染金毛、電髮及留二撇雞，早前他為主打舞曲《親愛的》染髮及留鬚，勁有佬味貌似「萬人迷」碧咸、型男歌手Justin Timberlake及「狼人」曉積文的混合體！他說：「首歌係型格歐美Feel，所以想Man啲，話我似呢幾位外國型男，我梗係開心！」他表示較愛自己留鬚，並笑言毛髮旺盛，半日不剃鬚已成面鬚根，故留鬚反而更舒服，但最近他為青春劇《衝綫》變回白淨小生，被Fans笑他當堂年輕十年。

沈震軒被讚好演技，相當開心。

Sammy的Fans層跟其戲路一樣闊，他表示曾在街上被婆婆拉住，並說：「你成日做奸嘅！真係好衰，但演得好好呀！」被鬧衰人的Sammy笑言勁開心，樂於繼續演奸角。