藝人張紫櫻（車車）與相識逾8年的歌手好友鍾舒漫（Sherman）將合演舞台劇，她說：「好多人都覺得我係主持，Sherman係歌手，大纜都扯唔埋，唔明點解咁Friend。我哋8年前喺電台做過訪問後就Friend咗，或者呢啲就叫緣分！今次一齊做舞台劇《靜夜飛翔》都係緣分，佢早排同記者講想做舞台劇，仲希望喺劇入面唱歌，導演問我有咩適合人選時，我第一時間就諗起Sherman，但我冇睇過嗰篇報道！早幾日影宣傳海報時講番呢件事都覺得好奇妙！」

車車（左）及Sherman情同姊妹，相信在劇中會擦出不少火花！

《靜》劇除邀得車車參演外，亦有張景淳助陣。

她又指很期待12月的演出：「到時除咗Sherman，仲會同無綫演員張景淳、杜大偉（電視劇《忠奸人》中演出「十仔」一角）、關宛珊同埋DJ許諾輝合作，好期待！我上次喺舞台劇《8美猜兇》演16歲少女，今次角色年齡比較接近真實歲數，但造型就較斯文。除咗考演技，我仲要唱埋歌，真係大挑戰！」