無綫藝人陳志健（Otto）最近與前輩張兆輝及邵音音等合作電影《恐怖在線》，撞正七月節開拍鬼片，身為天主教徒的Otto於開鏡前亦上香求心安，但首日開工便遇上「邪嘢」！

在鬼節拍《恐》片的Otto首日開工已見紅，認真邪！

陳志健（右二）及音音姐等擔任節目嘉賓，分享靈異經歷時七情上面！

由張兆輝、中日混血女新人李梓宸、前港男陳志健及邵音音等主演的電影《恐怖在線》口碑不俗，張兆輝及李梓宸更憑此片於聖地牙哥獨立電影節奪得影帝及影后殊榮。Otto與張兆輝合作無綫劇《神鎗狙擊》後成為好友，《神》劇演員不時聚餐，今次再度合作《恐》片，Otto更獲輝哥多番提醒，獲益良多。

提到《恐》片的拍攝點滴，身為天主教徒的Otto都信邪，在開鏡前上香求心安，並笑言每次受訪都會起雞皮，早前擔任無綫靈幻主題節目《Big Boys Club》節目嘉賓時情況更甚！

荒野見閃影

此外，他自爆首日開工當晚便遇上「邪嘢」，令他夾爆手流血不止：「好多時見鬼都係情緒問題，或者係幻覺、疑心生暗鬼，但有晚同音音姐喺個荒廢地方拍嘢時，佢話見到有個影閃嚟閃去，我望真啲先知係Fans想睇拍嘢，起初都嚇一跳！（撞邪嘢？）開工第一晚就夾爆手，流血不止算唔算邪？音音姐仲嚇我，話嗰度地方咁污糟一定會死！雖然拍完嗰晚冇死，但打咗5支破傷風針真係痛死，仲冇咗塊肉添！」