廖偉雄（燦哥）與朱紫嬈將首次合作舞台劇《那年五月》，朱紫嬈笑稱自幼睇燦哥的劇集長大。燦哥則透露會在劇中大展歌喉，高歌一曲《愛拚才會嬴》，更會在末段加上粗口炒熱氣氛！

燦哥及朱紫嬈將在劇中飾演老爺及新抱，會齊齊在台上大展歌喉。

為了炒熱場內氣氛，燦哥將大唱粗口歌！

朱紫嬈與燦哥將合作舞台劇，她自言雖然是首次合作，但已相當了解對方：「自細就睇佢嘅戲大！」她又透露在劇中飾演歌女，所以最近忙於排戲及練舞，燦哥則飾演其老爺，在劇中會大展歌喉，但演藝出身的他卻自言很少開金口唱歌：「為咗令現場氣氛更高漲，會加自我創作同助語詞喺首歌度！」他又笑言相信粗口可炒熱現場氣氛：「大家會接受到嘅！」

秋官彈甩Beat

問到是否很少在港登台？燦哥自言80年代喜歡四處登台，認為唱歌「其實唔難」，鄭少秋更曾「大讚」其歌喉：「嗰時同秋官一齊喺新加坡登台，唱完歌佢即刻讚我好嘢，我開心到眉飛色舞！」原來秋官是指當地樂隊投訴他唱歌時沒有一次入得準！不過燦哥指現時長居內地，經常唱K苦練歌喉，所以對舞台劇演出充滿信心！

問到又煙又酒，會否擔心影響歌喉？燦哥認為每天喝少量酒有助血液循環，又說：「本身戒咗幾年煙，但突然又想食番。」最後不忘大爆金句：「到咗呢個年紀，想做就去做喇！」