陳嘉容生日恨有老公錫

名模陳嘉容（Eunis）於本周一生日，她的一班好友為她舉行了一個難忘的生日派對，琦琦及歐陽妙芝亦有參加。當晚的Dress Code是法式宮廷打扮，Eunis透露是她構思的：「套衫我係特登度身訂造，啲朋友都好好，個個都好認真打扮，有啲仲去租衫着，我講笑話唔靚唔入得場，大家出嚟嘅效果都好靚，影咗好多相，花心機時間打扮係值得嘅。（收咗咩禮物？）我呢幾年都係叫朋友將買禮物畀我嘅錢捐畀慈善機構，佢哋都好響應！（想要嘅嘢都有？）我想要個老公，不過冇得買。（今年生日願望係咩？）想要一個愛我錫我嘅好老公，同埋世界和平，唔好有咁多天災，人人身體健康。」她期待明年生日會有老公陪伴，並希望願望成真。