黎耀祥、蘇玉華和唐詩詠等昨日於大美督燒烤場，宣傳無綫新劇。期間祥仔和阿蘇齊聲支持林峯約滿離巢，而晒纖腰的詩詠則稱行性感毋須備案。

黎耀祥和阿蘇支持林峯離巢出去見識吓。

洪永城（左起）、李佳芯和露腰的詩詠齊齊踩單車。

陳庭欣幫黃子雄揼骨。

無綫視帝黎耀祥（祥仔）、劇后蘇玉華（阿蘇）和唐詩詠等昨日於大美督燒烤場，為今晚首播的無綫新劇《載得有情人》造勢。熱到爆的祥仔於受訪時笑言做宣傳比拍劇更辛苦，而阿蘇則笑言出汗當排毒。談到林峯約滿離巢？祥仔說：「係好自然嘅事！我贊成藝人離開，自己都走過，出去見識後會為觀眾帶嚟新鮮感，我會支持林峯。（你未來去向？）我會暫時繼續留喺無綫！」問到會否因而更易再奪視帝？祥仔說：「年年競爭唔同，唔止同台同事競爭，上年都有張智霖，大家機會均等。」至於阿蘇亦表示會支持林峯的決定。

唐詩詠晒纖腰

同場身穿露腰短裙的詩詠被問到為何打扮性感？她說要消暑：「我喺劇入面會Deep V上陣，今次係High V。（性感極限？）未到嘅。」問她會否擔心性感演出引起網民熱議？她說：「對比起性感啲人嚟講，我簡直係濕濕碎。」她又大爆拍攝性感相毋須向任何人備案。