憑34F「導彈」稱霸寫真界的蕊蕊人氣高企，工作量大增的她近日引來內地富二代K先生垂青，據知他更出動四大追求攻勢，希望奪得伊人芳心。雖然蕊蕊對K先生不為所動，但與男友金剛為此事小吵的她速速大派定心丸！

獲內地富二代力追的蕊蕊不為所動，對男友金剛一條心，唔知金剛會唔會冧番呢？

Suetzi（左起）、Crz、蕊蕊及Kelly放「峰」消暑。

金剛

早前推出寫真集的蕊蕊憑34F身材吸納不少宅男粉絲，更獲封「寫真女王」！人氣大增的她亦因頻頻以性感造型現身而成為品牌活動常客，近日她更得到內地富二代K先生青睞，並向她展開猛烈追求。據知K先生家族從事貿易生意，瓣數多多的他更涉足紅酒、房地產及飲食生意，加上投資有道，至今身家逾億，絕對是城中筍盤。

激掃500本寫真

早前在朋友生日會上認識蕊蕊的K先生，初次見面已對蕊蕊心生好感，更主動向伊人「抄牌」，惟當時從朋友口中得知女神已有位感情穩定的男友金剛，故未敢發動攻勢。但K先生抵不住心中愛意，依然展開追求攻勢，他先向身邊好友打探伊人喜好，再出動四招冧女絕技，包括送玫瑰花、朱古力、名牌手袋及大手買下500本寫真，希望用銀彈攻勢及誠意打動對方，挑戰金剛的正印男友地位。

雖然蕊蕊對K先生的銀彈攻勢不為所動，但金剛卻輾轉從同事口中得知事件，醋意大發的他亦為此與蕊蕊吵架，更要求她時刻報告行蹤。蕊蕊昨日受訪時承認與K先生是朋友，但雙方不太熟落：「我知佢有送花同朱古力去公司，但我成日都唔喺公司，所以將朱古力分晒畀同事食，我屋企都有好多手袋，自己都有錢買，同埋太貴重嘅禮物收咗都唔太好，所以都有叫同事退番畀佢。」而對金剛「一條心」的她同時亦大派定心丸：「情侶拍拖難免會有爭拗，我知佢都係緊張我，我都想借呢個機會同佢（K先生）講，我已經有個好好嘅男朋友，如果有啲咩令佢誤會咗，真係唔好意思。」