鄭嘉穎出席無綫新劇《天眼》煞科宴，自言與林峯唱反調，暫未有離巢之心，更被監製打趣指他因拍《天》劇而推掉數千萬外快，認真忠心﹗

無綫親生仔鄭嘉穎繼續接劇，無意離巢。

洪永城和高海寧「情侶檔」配搭新鮮，未知會擦出怎樣的火花？

林夏薇大晒養眼美腿。

陳展鵬稍後轉戰賽車場，莫非想做車神？

嘉穎、陳展鵬、洪永城、林夏薇及高海寧等前晚雲集九龍灣飯局，台前幕後合作拍《天》劇相處兩個多月，難免離愁別緒，不過「見慣風浪」的嘉穎笑說：「拍劇係咁啦，仲有合作機會嘅，又唔係Last一套。（繼續拍無綫劇？）我未滿約嘛，未滿約都會繼續拍。（有監製Mark你？）出年再見啦！」在旁的監製方駿釗笑指嘉穎因拍《天》劇而少賺數千萬，嘉穎聞言即答：「你聽佢亂噏啦！」

在劇中飾演情侶高海寧和洪永城有份請食飯，問到為何沒戲假情真傳緋聞？高海寧說：「唔知點解，其實我哋去過飲嘢，但冇人影到。」她又指將來拍拖，會等關係穩定才公開。

展鵬有鬥心爭帝

展鵬透露本月15日將獻出「第一次」，飛往馬來西亞參加賽車，他打趣表示只希望順利完成賽事，宏願是日後能參加格蘭披治大賽。展鵬又指將與黃浩然結片緣，合作拍新劇《張保仔》，劇中將上演一段三角戀，而他主演的另一套新劇《大藥坊》安排於下月推出，問到曝光率奇高的他是否有信心問鼎視帝？展鵬說：「要睇天時地利，不過呢套劇整體嚟講都幾好。（林峯離巢係咪更多機會？）不嬲公司都畀機會新人，咁我唔可以話係新人，但今屆港姐公司都畀好多機會。」

林夏薇則透露下月會隨大隊到台灣拍攝《衝綫》外景，不過因她只是飾演會計師，所以未有機會「落場」踩車，並笑言只負責「遞水」。