無綫節目《沒女大翻身》掀全城熱話，連無綫小花黃翠如亦大表關注。對於Meggie終覓得新工作，翠如接受電話訪問時說：「都戥佢開心，但我比較想睇『殺人琼』，即係果欄琼姐嘅故事！因為我爸爸係賣魚嘅，我細個都係喺街市長大，雖然街市人比較粗魯，但性格直接同坦白。呢幾日駕車經過果欄，我都不期然搵吓琼姐嘅蹤影。」

黃翠如一直追睇《沒女》，更勾起童年回憶。

黃翠如恨有女兒如Celine般可愛，即被笑與蕭正楠「啤到件」。

另外，翠如昨日偕同童星楊鎧凝（Celine）出席活動，但被司儀森美將戀情「擺上枱」，追問Celine是否覺得蕭正楠似爸爸！當翠如指很想有個BB女似Celine般可愛，森美即說：「你男友咁靚仔，應該得嘅。」令她哭笑不得。提到「老死」洪永城公開指蕭正楠「唔聲唔聲」追女仔，翠如笑說：「佢哋兩個私底下關係好好。（嬲洪永城亂講嘢？）呢個就係佢可愛嘅地方。」