昨日「踩場」平反後，Meggie心情輕鬆不少，已成功找到機場餐務文職工作的她，趁上班前抽空到附近逛街，見她明顯對外觀更加注意，如買麵包當午餐Keep Fit，又到藥房揀選健康食品，希望身材變得更纖瘦，認真貪靚！Meggie又趁鞋舖大減價入內選購，可惜未買到心頭好。其後，她行經便利店時看到雜誌有關《沒女》的報道，即「打書釘」逐頁揭，最後乘港鐵趕返工。

Meggie仔細地揀保健品，繼續收身大計。

Rocky

Meggie到鞋舖血拼，可惜冇收穫。

Meggie吔包當午餐Keep苗條！

自信心大增的Meggie除了搵到工外，感情生活亦現曙光，昨日有指她與《求愛大作戰》的大隻Rocky撻着！Meggie透露兩人是朋友關係，但不時互相關心：「我睇咗《求愛》，好欣賞佢樂觀性格，網上Add咗佢做朋友，有上網同WhatsApp傾偈，佢喺我唔開心時有關心我，支持我完成拍攝。（追你？）唔覺！我暫時享受單身生活，估佢有另外一啲追求對象。」