郭晉安昨日受訪時，被問到林峯宣布離開無綫？安仔笑說：「咁將阿峯嗰份畀我，咁我就夠數喇！」而有指林峯因失意視帝離巢，安仔說：「唔係嘅，雖然佢唔簽經理人約，都一樣可以返嚟拍劇。」安仔認為總有一日林峯可以攞獎，只是時間問題，而他亦等了18年才有獎：「攞完兩個獎之後，我咪一樣銷聲匿迹咗一段時間。」

安仔認為林峯總有一日可以奪視帝。

江美儀指林峯離巢後仍可返無綫拍劇。

此外，江美儀出席電影慈善首映時，談到林峯離巢，她說：「今日睇到新聞。（佢之前同你提起？）我前排同佢拍《使徒行者》，不過對手戲唔算多，都冇講咁私人事，始終件事好個人。」她又說：「其實離巢後，唔代表冇機會返無綫，就好似蔡少芬同佘詩曼之後都有返去拍劇，加上佢內地人氣咁高，搵多啲真銀，請我食飯。」