莊思敏、張家瑩、沈卓盈及顏子菲等前晚出席髮型騷，四女齊齊「胸」群出動鬥性感！期間思敏大爆心郁郁剃光頭，家瑩則透露求學時因剪短髮而被懷疑性取向！

莊思敏（圖）以Bra Top上陣晒小蠻腰，迎戰晒長腿的沈卓盈，夠索呀！

沈卓盈

張家瑩（圖）及顏子菲谷胸現身，效果逼爆！

顏子菲

莊思敏（Jacquelin）、張家瑩、顏子菲及沈卓盈前晚亮相髮型騷，擔任評判的Jacquelin以Bra Top性感造型上陣，而擔任嘉賓的張家瑩及顏子菲則鬥晒深長事業線，與以火紅短裙晒腿的沈卓盈鬥性感！

心郁剃光頭

Jacqueline自爆心郁想變「髮」：「我成日染髮，想試染粉藍色同白色！但我染得太多次紅髮同紫髮，所以漂唔到咁淺色。」問到以短髮示人的她會否較難識男仔？她說：「有個男仔朋友話要我留番長髮，先肯同我出去食飯，聽到覺得Hurt！」自嘲冇異性緣的她笑言有意為拍戲剃光頭：「我拍親戲都愈剪愈短，諗過終極剃光頭，跟住就留番長髮！（嚇走男仔？）戴假髮囉，不過依家異性緣都近乎零！」

同場的張家瑩則大爆求學時因剪短髮而被懷疑性取向：「我短頭髮又高大，畀人以為性取向唔一樣。」至於沈卓盈則大爆曾電錯髮而忍痛剪去長髮。