前亞姐羅霖日前自爆因遭家暴而離婚，即被前夫劉坤銘直斥博宣傳，而她昨日出席活動時再爆事後收到恐嚇短訊，但驚被人告而不願公開內容。

羅霖出席活動時自爆收到恐嚇短訊。

陸詩韻即將全面復出娛樂圈。

腹大便便的陳爽表示已為分娩作好準備。

趙茜身穿性感谷胸裝出席活動。

羅霖昨日出席護膚品牌概念店開幕禮，同場還有名模Rosemary、陸詩韻、陳爽、馬詩慧、余安安及趙茜等。對於前夫劉坤銘直斥其「家暴」言論是博宣傳，羅霖句句有骨地說：「事件係好難堪、好難過，係一件羞家嘅事，要宣傳都攞啲開心嘅事，男人最基本條件係要有承擔，事實係事實，唔想啲人用唔同嘅原因去更改事實。」她重申講出真相是不想有人再以不真實的言論誤導三位兒子，並稱事後獲三位兒子安慰，至於兒子是否不滿爹哋？她說：「父母始終係父母。」其後又指爆出家暴消息後，曾收到恐嚇短訊：「我唔可以講係邊個，驚收律師信。（內容？）唔係言語問題，但令人唔安樂。（知唔知係邊個恐嚇你？）第三者，呢兩年不時都收到。（考慮報警？）我從來都唔會主動去攻擊同傷害人。」

陸詩韻復出接Job

另外，近年主力幫父親打理家族生意的陸詩韻透露，將全面復出娛樂圈：「簽咗新經理人，嚟緊都會接唔同工作，又會去內地做嘢。（唔使打理家族生意？）一半半，但依家有細佬幫手，佢管理得好好。」而腹大便便的陳爽則穿上高踭鞋到場，並透露現時懷孕六個月，是一名男嬰，而她已為分娩作好準備：「一直睇醫生都知BB好健康，自己都會以順產形式生。」