曾與不少男星傳緋聞的王璐瑤（LuLu），接受本報專訪時自爆曾被靚仔男星拋棄，更驚爆被圈中一線女星狂追猛溝！她表示早前一位活躍於影圈的「X女星」，用銀彈攻勢欲打動其芳心，還邀她作客到家中開餐！而該女星曾被當紅男星拋棄。

LuLu僅以提子遮掩重要部位，香艷指數爆燈。

LuLu

LuLu伏在地上大晒白滑後背。

LuLu全裸上陣冇有怕，還抱臂夾出「天然線」。

性感女星王璐瑤情路崎嶇，曾與不少男星傳過緋聞，她接受本報專訪時不諱言曾跟一位圈中型男拍拖，可惜分手收場，令她對男人失去信心：「嗰件事唔想再提，分手令我情緒非常低落，男人太貪玩，我可以信幾多？」LuLu強調只要感到被愛，其實男女都一樣，更驚爆被圈中「X女星」狂追：「我唔可以講佢係邊個，總之大家估唔到佢係Lesbian（女同性戀者），佢不時會送名牌手袋畀我，又會自製小禮物，唔單止成日約我食飯，仲會約我上佢屋企玩煮飯仔，真係幾細心！不過我仲未Ready到一齊，要再相處先知！」據知，LuLu口中的「X女星」年約30餘歲，活躍於影圈，身材瘦削高挑，曾被圈中當紅男星拋棄！

曾與女生拍拖

談到性，LuLu化身「性女」滔滔不絕，認為若對方愛她則男女無妨：「女人總係溫柔啲，愛包含性，男女我都冇所謂，最緊要係感覺，做嗰啲嘢（指性）大前提係唔可以影相同拍片，留喺心中咪得囉！近年發生咁多床照事件，我唔想成為主角！」她又自爆中學曾與女生拍拖：「我讀男女校，當時有個師姐追我，我又覺得佢錫我，咪同佢一齊！但只係Puppy Love，拖吓手仔一齊返學放學、睇戲食飯，冇諗過性！」

全天然唔怕露

受訪當天，LuLu大玩「人肉水果餐」，自言「零添加」的她將葡萄及香蕉等水果擺上身，單靠S形身材做支撐，全裸上陣一樣冇Say No！她稱不介意性感，最緊要健康性感，絕對不能「假大胸」：「我唔支持整容，鍾意將最真一面騷畀人睇！」此外，昨在馬尼拉登台的她在當地賭場玩兩手，她稱玩老虎機贏了折合數百港元，又稱沒有艷遇：「不過賭場騷啲Show Girls真係幾靚！」

Profile

姓名：王璐瑤（LuLu）

年齡：27歲

三圍：32B、24、34

簡歷：處女作為無綫青春劇《當四葉草碰上劍尖時》，其後又接拍三級片《明媚時光》成為女主角，奠定性感女星地位。今年LuLu更在書展期間推出飲食書《美食週記》，連才女都撈埋。