陳志雲與黃秋生等昨日出席慈善活動，期間陳志雲驚爆讀幼稚園時曾被非禮，母親即帶他報警：「我當時畀叔叔用手摸下體，好驚！」同場的秋生則自爆於無綫拍劇時，會修改劇本及對白。

陳志雲自爆讀幼稚園時曾被一個叔叔摸下體。

陳志雲、張達明和黃秋生齊撐何念慈出書。

電台高層陳志雲及黃秋生昨日現身金鐘出席慈善活動，而張達明更帶同子女為太太何念慈出書打氣。期間陳志雲於分享環節自爆年幼時遭非禮，其後母親帶他報警求助：「件事發生喺幼稚園，我喺教堂附近畀叔叔用手摸下體，對方唔係神職人員。（留下陰影？）當時好驚，媽咪之後帶我報警，唔記得件事點發展。好彩同媽咪溝通冇隔膜，冇咩陰影。」

秋生自嘲冇安全感

而秋生則大談夫妻生活，問到如何給老婆安全感？他說：「我天生冇安全感，老婆咁狼死，由佢保護番我。（感幸福？）係，有佢保護。（點報答？）以身相許，無以為報。（暑假帶老婆去旅行？）我搵錢，佢去得喇！」談到無綫新劇《梟雄》，秋生直言與視帝黎耀祥對戲過癮，又大爆會動手改劇本：「將對白改得合理啲。（得你夠膽改？）係願唔願意同對工作有冇責任。」