蔡思貝、羅天宇及鄧佩儀昨日出席品牌活動，獲父母現身支持的思貝，大爆親自下廚為母親慶生：「今日係我媽咪生日，會煮西餐同送戒指。」問到有報道拍得她與電影舞蹈總監麥秋成同車及換衫，她說：「我當日活動完叫對方兜我去剪頭髮，之後畀人喺馬路截停，嚇到我心都離埋。我哋只係普通朋友。」問到會否怕緋聞不絕而令男仔不敢埋身？她就提及緋聞男友鄭俊弘：「我同佢仲係朋友，唔會因為緋聞而影響。（桃花旺？）都係假桃花！」

蔡思貝大嘆雖然緋聞多，可惜都是假桃花。

鄧佩儀（左起）、羅天宇和蔡思貝以青春打扮現身，夠晒Young。

至於羅天宇則澄清與蔣家旻的緋聞：「當日我唔係載佢，我哋去攞部iPad拍佢嘅視像戲份。（避忌？）會，因為對女仔唔公平。」