有畏高的周柏豪早前到澳洲拍攝新碟封套及MV，「膽生毛」的他竟瞞住老闆及父母在當地偷玩跳傘！玩完即刻自首的柏豪遭公司鬧爆，他說：「公司起程前話咗唔畀玩，係我先斬後奏，公司嬲我我明嘅，因為萬一有啲乜嘢事，影響到演唱會咁點！個騷唔係我一個人嘅事，唔可以咁唔負責任，公司遇到我呢隻猴子激親。」他又指跳傘非常刺激，玩前要簽生死狀：「簽嗰時我諗緊張過將來結婚簽證書！」又笑言上飛機後想過縮沙，但不想做「衰仔」，他形容在半空中感覺人真的很渺小：「跳完你對事嘅睇法唔再緊張，唔再執着，都克服咗少少。」曾說希望30歲前可以在紅館開騷及玩跳傘的他終於夢想成真，他說：「紅館兩場騷16,000張飛，兩日賣晒，希望叫座又叫好，我依家練緊一個有難度嘅表演，雖未有十足信心，但會努力去練。」

柏豪與教練一同躍下，澳洲土地盡收眼底。

柏豪勇字當頭，準備跳傘前表現興奮。