前亞視高層盛品儒早前與女友蔡一鳳（Michelle）分手，昨日又成功箍煲恩愛出席公開活動，更肉麻地稱對方是心中最愛，並計劃明年結婚，而Michelle亦十分受落，兩人不斷打情罵俏，旁若無人！

盛品儒與Michelle接受訪問時糖黐豆，笑容甜到漏！

盛品儒拉着女友戴鑽戒的手，更風騷舉V。

盛品儒被東網足本拍得與Ashina當街攬啜。

何傲兒繼續否認與林建名的緋聞，但又讚對方唔錯。

Ashina與盛品儒連朋友也談不上，但仍祝福對方。

盛品儒與女友蔡一鳳昨日出席《第十六屆香港動漫電玩節記者招待會》，二人受訪時全程打情罵俏！提到於社交網站留言「得米」，盛品儒表示多得《東網》澄清才成功箍煲，又揚言箍煲後要做「人生大事」，更冧讚Michelle是心中最愛，非常肉麻！現場見Michelle中指戴巨鑽戒，問到是否成功求婚？盛品儒否認鑽戒是求婚戒指，但將進行連串行動，Michelle即說：「你都好慳，花同戒指都冇！」盛品儒即說：「一陣去銅鑼灣揀，都係去你舖揀特別啲。（今年結婚？）趕唔切，下年結，只有咁先唔會再有緋聞，無論十幾歲到五十幾歲嘅女仔喺我身邊都傳係女朋友。」他早前被拍得與o靚模郭奕芯（Ashina）啜爆街頭，問到婚後會否修心養性？他說：「一直都修心養性，嗰次我飲醉，係我錯我承擔。」他再三強調與Ashina稱不上朋友：「邊個得益有眼睇。」而Ashina得知他們婚訊即表示恭喜，但不打算送禮。

何傲兒讚林建名唔錯

同場的何傲兒以賽車女郎打扮現身，提到與林建名傳出爺孫戀，又指她想跟林建名兒子林孝信發展不果才轉向林建名，何傲兒說：「食得鹹魚抵得渴，不過影響到林生就唔好意思。（做佢契女？）佢係好人，係我尊重嘅長輩。（係咪傳同林孝信好過傳爺孫戀？）有人叫我搵過個打破爺孫戀！（有乜擇偶條件？）思想上保護到我，唔係大隻嗰啲，錫我。」有記者即提議林建名合適，她支吾以對：「佢係唔錯，唔知點講好，總之事業為重。」而談到與林孝信的緋聞被翻舊帳，她表示得啖笑。