性感女星何佩瑜（Jeana）在新戲中以火辣小三姿態出擊姣擒姜皓文（黑仔）！前日一場「車震」戲中，Jeana先向黑仔送波餅及讓黑仔從後進攻，又伸頭出車窗呻吟大叫，七情上面，大戰一輪全身濕透，黑仔連頭髮都「動L」。

激戰呻吟
Jeana與姜皓文車震，Jeana更要伸頭出車窗呻吟大叫！

波餅插眼
Jeana在車廂中拗腰激戰，更一個波餅塞埋姜皓文隻眼度！

High爆大笑

肉緊攬Un

拍完情慾戲，Jeana食西瓜降火！

莊思敏前來探班打氣。

葉念琛出席電影導賞活動，分享拍戲點滴。

有鑑小三現象成為社會問題，拍慣愛情片小品的葉念琛最近亦以這個情慾題材，開拍新戲《小姐誘心》，找來緋聞女友莊思敏（Jacquelin）、何佩瑜（Jeana）、姜皓文（黑仔）、劉心悠及周柏豪等分別演出兩個故事，而Jacquelin、Jeana及黑仔三人演出都市夫婦因少溝通而出現小三的故事。

撞傷手腳

前日Jeana與黑仔拍攝戲中一場「車震」戲，Jeana先向黑仔姣擒送波餅，再轉狗仔式讓黑仔從後進攻。在狹窄的車廂中，Jeana亦能施展渾身解數，拗腰兼狂Un黑仔，期間更伸頭出車窗呻吟大叫，七情上面，二人一輪大戰全身濕透，熱爆的黑仔連頭髮都「動L」。監製葉念琛見狀，即買來西瓜給兩人下火降溫，其緋聞女友Jacquelin雖然稍後才有戲份，但亦前來探班打氣。

Jeana事後受訪，她稱要主動姣擒黑仔不比葉念琛揶揄肥了一個碼尷尬：「我用兩個星期減咗十六磅，回復狀態啦！我同黑哥之前合作都做過佢情婦，今次咪當再續前緣！（車震戲好激？）得個熱字，不過都幾好玩，可能我哋兩個都高大，喺車廂中拍啲滾動動作，撞傷晒啲手腳，其中一個位差啲撞崩牙！」

老婆冇眼睇

而之前拍慣動作戲的硬漢黑仔，今次突破拍情慾戲，他坦言辛苦過演打戲：「好彩對手好專業。（向老婆備案？）有講，但佢話唔會睇！」

另外，葉念琛昨日出席電影導賞活動，表示平日有去大專學校講課，與學生分享拍攝電影點滴。談到首次擔任新片《小姐誘心》監製，雖然要自己睇數、搵投資者及演員，但不覺辛苦，更透露十月開拍電影《千億惡魔愛上我》。