陳茵媺（Aimee）昨日出席食物健康活動，自言平日會為7個月大的囝囝陳梓燁（Aiden）慎選食物：「始終要食落肚，同埋係佢第一次接觸食物，小朋友腸胃同大人唔同。我食嘢都好小心，小朋友未接觸過食物，驚佢食完會敏感，唔舒服又唔識講，要逐步試。我會試食咗先畀佢食，試吓好唔好味，好味先畀佢食。（有冇試過失敗？）牛油果，我鍾意食，但佢就唔鍾意。」

對Aiden寵愛有加的陳茵媺（右），輕撫陳倩揚肚皮。

對於被指為愛兒辭演新劇《梟雄》，她澄清：「有傾過但未Confirm，冇推。有傾過幾個Project，但未係適合嘅時間，演戲真係My Love，但要睇時間，唔係話Carefree（冇顧慮）可以即刻做。」

她又笑言要等老公陳豪拍畢劇集，最快明年才可復出：「要有一個喺屋企照顧Aiden，對佢發展好啲。（同老公度期？）係。」