名模Mandy Lieu旗下的日模清穗久美子（Kumiko）及韓模金愛妍（Kim），今年攜手推出首本寫真，雙K走高檔路線，但包含所有宅男喜愛的元素，包括內衣照、比堅尼照、半裸床照及半裸出浴照，噴血程度不遜本地o靚模！寫真中，Kumiko露股罅，Kim則疑似自摸下身，意識大膽！由於寫真封面是兩人的內衣照，出版商為免過激，改用內頁照片做攤位的宣傳照。

僅穿內衣的金愛妍典床典蓆，引人遐想！

日韓雙K通宵簽寫真，少啲精力都唔掂！

此外，雙K為谷寫真，昨日自製法國甜品Macaron及通宵為寫真簽名，準備今日踩入書展了解銷情及派Macaron回饋粉絲，Kim說：「原本諗住整日式Wasabi味同韓國泡菜味，但甜品師傅話泡菜味太高難度，所以改整辣椒味，好似我哋身材咁惹火！」雙K對銷情充滿信心，公司亦早已計劃為她們舉行慶功宴，Kumiko說：「好有信心會打低其他對手，因為我哋嘅風格同其他寫真唔同！本書只係賣128蚊，抵買，仲有抽獎！」