天后陳慧琳（Kelly）昨日以露腰露背裝出席金至尊（尖沙咀店）開幕活動，獲珠寶商送上禮物。提到早前有指其老公與一名女子有親密舉動，以致她要追女箍實老公，有兩個兒子的Kelly坦言兩個夠晒數：「唔生啦！之前嘅痛苦經歷，唔會輕易再嚟多次，依家兩個都辛苦，要教同湊。」

穿露腰裙的陳慧琳佩戴名貴首飾，得戚Chok甫。

Kelly又指該女子是相識十幾年的朋友，問到下次會否與老公一同外出？她表示要和老公輪流照顧兒子：「老公出去我就留喺屋企照顧兩個仔，我出去佢就留喺屋企，但如果親子活動就一齊去。」