已為人母的楊千嬅接演新片《五個小孩的校長》，昨午在酷熱天氣下，偕劉玉翠及吳耀漢等，加上數十名扮演學童的演員到郊野公園拍外景。一眾演員因劇情需要，化身大細路與5位小童星玩集體遊戲，熱到大汗疊細汗，小朋友卻相當合作，不時逗千嬅說笑、玩樂及合照，千嬅更一口氣唸出眾人的名字，氹得小朋友大叫：「真係記得晒呀！」

千嬅與小演員拍外景，相當Happy！

千嬅與幾位小童星建立了不錯的友誼，更大讚她們：「真係話頭醒尾，記性又好，都算拍得順利。」她又透露2歲的囝囝Torres已開始上學：「佢返Playgroup，又真係好似幾鍾意返學咁，至今都未喊過，佢特別鍾意同年紀大過佢嘅小朋友一齊玩。」