港姐朱晨麗及o靚模文凱玲在戲中飾演國際刑警，朱晨麗笑言想集發哥郵：「發哥好靚仔，畀佢電倒！發哥好親民，會問候我哋啲後輩，同問我叫咩名，好好人！（集郵？）好想搵機會呀！」而未埋位時穿白衫透黑Bra的文凱玲則謂與張家輝有淵源，當年她選港姐時，家輝有份做評判。而曾國祥因與發哥合作而緊張蝦碌：「唔小心跌咗個彈匣落木罅度，直插入水，畀導演（劉偉強）鬧，佢好惡！」
朱晨麗（左三）霸到靚位黐實發哥（左二）合照！
