人緣超好的古巨基將喜訊公告天下後，即有不少圈中好友留言祝福，與基仔和Lorraine相識廿年的周慧敏難掩興奮：「之前已經知，但我要保守秘密，佢哋想低調。好開心！呢件係我2014年最開心事嘅第一位，好似我屋企人結婚咁。（送咩禮物？）諗到頭都大埋，想搵樣金錢買唔到嘅禮物，目前諗到係作首歌送畀佢哋。」

周慧敏

傅明憲

鄭伊健

與基仔相識多年的傅明憲雀躍地說：「恭喜佢白頭到老、百年好合、年生貴子。終於等到佢哋結婚喇！好戥佢哋開心。喺我哋眼中，佢哋已經係老夫老妻，我一定會出席佢哋飲宴。」

因合作內地劇成好友的趙薇在微博留言：「為兩位好朋友開心，那麼久的情，真是綿綿無絕期，愛感動天下啊，祝福，隨喜，愛你們。」

蔡一智：「愛情是要經得起時間的考驗、洗禮，在這裏祝福一對新人永遠幸福快樂，婚姻美滿！期待快些有個Kubi仔真人版！」

抵死的鄭伊健笑住祝福：「一早結咪好囉！使乜拖咁耐，恭喜晒！」

曾屬同一唱片公司的方力申：「戥佢哋高興，佢哋係最佳拍檔同好好工作夥伴，最正係一齊生活同工作，祝佢哋永遠幸福。」